ВИДЕО: Лејкерси го надиграа Голден стејт за второ место на Западот!
Лејкерси доцна синоќа во НБА лигата убедливо ги совладаа Вориорси со резултат 117:91 на домашен терен и така скокнаа на второто место на табелата во Западната конференција.
Стеф Кари и „воините“ дури во финишот од натпреварот дадоа нешто посилен отпор, но успеаја само да ја намалат преноста на домаќинот која во третата четвртина беше дури 35 поени.
За составот од Лос Анџелес дури шестмина имаа двоцифрен учинок, предводени од Леброн Џејмс кој на паркетот за 24 минути запиша 19 поени, шест скока и четири асистенции.
На спротивната страна најефикасен беше Ерик Паскал со 18 поени, а два помалку забележа Кари.
На табелата во Источната конференција води Филаделфија (22-12), а моментно најдобар на Западот е Јута (27-7).
НБА, резултати –
Милвоки – ЛА Клиперс 105:100
Бостон – Вашингтон 111:110
Детроит – Њујорк 90:109
Хјустон – Мемфис 84:133
ЛА Лејкерс – Голден Стејт 117:91
Мајами – Атланта 109:99
Минесота – Феникс 99:118
Сакраменто – Шарлот 126:127