ВИДЕО | Лејкерс славеа против Индијана во натпревар со 295 поени
Tимовите на Лејкерс и Индијана Пејсерс приредија вистинско шоу за фановите на кошарката откако во меѓусебниот дуел во Крипто арената постигнаа вкупно 295 поени без да има продолжение.
Домаќините славеа со 150:145, а тие постигнати 150 поени за нив се најмногу во последните 37 години. Последен пат пред овој дуел до оваа граница дојдоа на 2. јануари 1987 година против Феникс (155:118).
Натпреварот освен што беше ефикасен донесе и драма бидејќи се решаваше во последните седкуни. Иако Лејкерс во последниот период влегоа со предност од 17 поени. Кошаркарите на Индијана тука се разиграа и на 22 секунди до крајот имаа само три негатива. Сепак, Лејкерс не дозволи пресврт во финишот.
Најефикасни беа Ентони Дејвис и Паскал Сиакам со по 36 поени, двајцата имаа и по двоцифрен број скокови (16, односно 13). Леброн исто така дојде до дабл-дабл со 26 поени, 10 асистенции и пет скока.
НБА РЕЗУЛТАТИ:
Детроит – Њу орлеанс 101-114
ЛА Клиперс – Филаделфија 107-121
Мајами – Кливленд 121-84
Минесота – Голден Стејт 114-110
Милвоки – Оклахома 118-93
ЛА Лејкерс – Индијана 150-145