Изминатата веќер во најсилната кошаркарска лига во светот, НБА се играа осум натпревари. Лос Анџелес Лејкерс се вратија на победите откако без поголеми проблеми на домашен терен беа подобри од Атланата.

Најдобар беше Дианџело Расел со постигнати 27 поени, а настапи за забележување имаа и Леброн Џејмс и Ентони Дејвис кои постигнаа по 22 поени. Во редовите на поразените се истакна Џејлен Џонсон со 25 поени.

Тимот на Њујорк никси славеше победа на гости кај Голден Стејт со 112:119. Предвовник на теренот во победничкиот состав беше Џејлен Брансон со 34 поени, додека Стеф Кари за Вориороси запиша 27 поени.

Во овој момент најдобриот тим во НБА лигата, Бостон стигна и до шестата победа во низа и 17-та во последните 19 натпревари откако го совлада Детроит со 119:94. Од почетокот до крајот Бостон доминираше, гостите некако се одржуваа само до почетокот на втората четвртина.

На фаворитот му одеа и обидите за три поени и постигнаа дури 22 тројки. Најефикасен беше Џејлен Браун со 31 поен, но тој остана во сенка на одличниот трипл-дабл на Дерик Вајт кој го заврши натпреварот со 22 поени, 10 скока и 10 асистенции. Џејден Ајви за Детроит постигна 21 поен.

НБА РЕЗУЛТАТИ:

Индијана – Кливленд 103-108

Бостон – Детроит 119-94

Филаделфија – Мајами 98-91

Чикаго – Портланд 110-107

Јута – Минесота 104-114

Голден Стејт – Њујорк 112-119

Сакраменто – Мемфис 121-111

ЛА Лејкерс – Атланта 136-105