Натпреварот меѓу Оклахома и Лејкерси беше најавуван како пресметка на два тима во најдобра форма во НБА и дуел на двајца водечки кандидати за наградата најкорисен играч. Но, место со неизсвесност заврши со убедлива победа на Оклахома од 43 поени разлика (139-96), а вечерта дополнително ја одбележа и повредата на Лука Дончиќ, кој имаше слаб шутерски настап и остана во сенка на извонредниот Шеј Гилџес-Александер.

Дончиќ првпат почувствува проблем со задната ложа кон крајот на првото полувреме, а болката повторно се појави на средината од третата четвртина. Во еден момент легна покрај основната линија, со рацете на лицето, додека неговиот тим побара тајм-аут. По кратка проверка од соиграчите, успеа сам да се упати кон соблекувалната, иако отежнато, на 7:39 до крајот на третата четвртина, при негатива на Лејкерси од 90:58.

Повредата само ја заокружи кошмарната вечер за Дончиќ, кој натпреварот го заврши со 12 поени, шут од игра 3 од 10 (за три поени 1 од 7), четири скока, седум асистенции и шест загубени топки. Во 26-те минути што ги мина на теренот, Лејкерс беа надминати со 25 поени разлика.

Оваа повреда на доаѓа по фантастичниот март, во кој Лејкерси имаа скор 15-2, а Дончиќ беше прогласен за играч на месецот во Западната конференција со просек од 37,5 поени, 8,0 скока, 7,4 асистенции и 2,3 украдени топки по натпревар.