Случајната средба со руски новинари на Американецот Марк Ворен кој живее во Енкориџ, Алјаска каде во петокот се одржа историскиот самит меѓу Трамп и Путин, резултираше тој на подарок да добие мотоцикл директно од Русија, по иницијатива на претседателот.

Имено, Ворен бил запрен од руска телевизиска екипа на 9 август кога го забележале неговиот мотоцикл од советско производство.

Екипата била импресионирана и почнала да му поставува прашања на Ворен за тоа. Сепак, Ворен рекол дека одржувањето на машината станувало тешко бидејќи фабриката за производство сега била „во Украина“.

„Новинарите застанаа да се восхитуваат на мотоциклот на Ворен, произведен од  „Урал“, чија оригинална фабрика е основана во 1941 година во тогашна Советска Русија“, објави Ројтерс.

„Стана вирално, полуде и немам поим зошто, бидејќи всушност јас сум многу нормален човек“, рече Ворен во вторникот. „Тукушто интервјуираа некој старец на „Урал“ и од некоја причина мислат дека е кул“.

NEW: Russian President Putin gifts an Alaskan man a new motorcycle after his recent summit in Anchorage.

Mark Warren went viral in Russia shortly before the summit when Russian reporters stumbled upon him on the streets of Anchorage.

Warren was flagged down by a Russian TV crew… pic.twitter.com/kUrlNzoOaI

— Collin Rugg (@CollinRugg) August 19, 2025

Приказната стана вирална во Русија и дури го привлече вниманието на Владимир Путин, кој потоа му подари сосема нов руски мотоцикл, кој има и посебно седиште за сопатник.

На 13 август, два дена пред самитот Трамп – Путин на кој ќе се разговара за војната во Украина, Ворен добил телефонски повик од рускиот новинар, кој му рекол: „Одлучиле да ти дадат мотоцикл“.

🇷🇺🏍️ An unexpected twist in #Anchorage: #Mark_Warren longed for spare parts for his Russian #Ural_bike but couldn’t get them due to sanctions, just received a brand-new motorcycle — from Vladimir #Putin via Russian diplomatspic.twitter.com/S7IpyQvirs #Sanctions just spark a… pic.twitter.com/U0colNFxVi

— ⚡️🌎 World News 🌐⚡️ (@ferozwala) August 18, 2025

Ворен рече дека документ што го добил покажува дека подарокот бил договорен преку руската амбасада во САД.

Тој рече дека првично мислел дека можеби е измама. Но, откако Путин и Трамп ја напуштија воздухопловната база Елмендорф-Ричардсон по нивниот тричасовен самит минатиот петок, тој добил уште еден повик во кој бил информиран дека мотоциклот е во базата.

Му било кажано следниот ден да оди во хотел во Eнкориџ за достава. Отишол со сопругата, и таму на паркингот, заедно со шест мажи за кои претпоставил дека се Руси, бил маслинестиот мотоцикл, вреден 22.000 долари (19.000 евра).

„Бев запрепастен. Помислив: Мора да се шегуваш. Ви благодарам многу“, рече Ворен.

Путин веројатно бил поласкан од изборот на постариот Американец на мотоцикл од советската ера и го наградил соодветно, не пропуштајќи ја можноста за позитивен наратив.