Денвер нагетс славеше со 118:112 против Чикаго булс, а повторно во главната улога беше центарот Никола Јокиќ со нова МВП партија. Јокиќ во победата постигна 39 поени, имаше 14 скокови и девет асистенции.
Денвер до победата дојде во самиот финиш кога на серијата од 10:0 на Чикаго за 108:106, Денвер возврати со шест поени во низа.

Јокиќ со 39. поени стана првиот кошаркар на Денвер по Кармело Ентони од 2009/10, кој во една сезона на десет натпревари постигнал најмалку 35 поени со што уште еднаш ја истакна кандидатурата за МВП признанието за најкорисен играч во НБА лигата.

Интересен и возбудлив натпревар одиграа Далас и Орландо, и на крајот се радуваше тимот од Тексас кој славеше со 130:124.

Вообичаено, Лука Дончиќ беше прво име во победата со 33 поени, 10 скокови и девет асистенции, додека на спротивната страна, Никола Вучевиќ имаше 29 поени, 15 скокови и осум асистенции.

Единственото продолжение се играше во Сан Антонио каде домашниот тим загуби со 113:124 од Бруклин нетс. Џејмс Харден беше предводник на Бруклин со 30 поени, 14 скокови и 15 асистенции, Кајри Ирвинг уфрли 27 пени.
Демар Дерозан со 22 поени и 11 асистенции беше најпрецизен кај Сан Антонио.
Најдобриот тим во лигата, Јута џез доживеа пораз од Њу Орлеанс со 129:124. Зајон Вилијамс и Брендон Инграм постигнаа по 26 поени за Њу Орлеанс.

Резултати:
Орландо – Далас 124:130
Филаделфија – Индијана 130:114
Чикаго – Денвер 112:118
Њу Орлеанс – Јута 129:124
Сан Антонио – Бруклин 113:124
Хјустон – Кливленд 90:101
Портланд – Шарлот 123:111