ВИДЕО: Интер го освои куп трофејот, Перишиќ му пресуди на Јувентус
Во финалето на Купот на Италија кое се играше на „Олимпико“ во Рим славеше екипата на Интер против Јувентус со 4:2 по продолженијата. Во регуларните 90 минути беше 2:2.
По првиот дел водеше миланскиот клуб со голот на Барела во седмата минута после асистенцијата на Брозовиќ.
На стартот од второто полувреме „Старата дама“ постигна два гола за две минути преку Алекс Сандро и Влаховиќ.
Израмни Чалханоглу од пенал во 80 минута и го одведе мечот во дополнителни 30 минути.
Во првото продолжение хрватскиот интернационалец Перишиќ двапати се запиша во листата на стрелците (98`, 102`) и така го постави конечниот епилог.
Ова е прв Куп трофеј за „нераѕурите“ од 2011 година, а вкупно осми во клупската историја. Повеќе од нив освоија само Јувентус (14) и Рома (девет).