ВИДЕО I Силен земјотрес во Хрватска: Многу урнати куќи во Петриња
Силен земјотрес со јачина од 6,3 степени по Рихтеровата скала попладнево ја погоди Хрватска. Според Евромедитеранскиот сеизмолошки центар (ЕМСЦ), епицентар на потресот што се случи во 12.20 часот, е подрачјето на Петриња на длабочина од 10 километри, меѓутоа се почувствувал во целата земја, но и во соседните.
Хрватските медиуми јавуваат и за голем број на урнати куќи во Петриња.
Croatian town of Petrinja suffered a lot of damage in the earthquake today pic.twitter.com/W7ypSFj5vR
— Based Croatia (@Based_Croatia) December 29, 2020
Situacija u Petrinji. pic.twitter.com/EK63mcVofC
— Hrvatski Crveni križ (@crvenikriz_hr) December 29, 2020
– Успеавме да извлечеме едно дете кое беше во автомобилот. Сè се урна. Сопственикот е тука, но не се јавува, вели едно момче за Н1, пренесува порталот index.hr.
– Тешко е. Слушнав како се урива и градинката, за среќа нема деца. Не знам дали има настрадани, вели друго момче.
Полицијата упати апел до граѓаните да излезат на сигурно.
– Ги повикуваме граѓаните да излезат на отворено, доколку се во можност, и да се оддалечат од објекти кои се под закана од уривање. Лицата на повисоките катови нека ги побараат и следат носечките ѕидови, објави хрватската полиција.
