ВИДЕО | Гошевски: Има пад на сите берзи, малку фалеше целата криптоструктура да оди во неповрат
Минатата недела и викендов криптовалутите крахираа, а некои практично достигнаа цена која што е нула и во едни такви околности во Белград се одржа европска крипто конференција.
-Во Белград се случи историска недела во криптосветот. Интересно беше како ќе реагира криптосветот собран на конференцијата и тоа во ек најголема корекција на цени и надолен тренд. Во Белград беше најголемата европска крипто-конференција до сега, каде што имаше над 100 панелисти, видни личности од крипто-светот. Имаше 2.000 посетители првиот ден, изјави во Утрински брифинг Душко Гошевски, адвокат и експерт за криптовалути.
Тој појасни дека по краткиот пад, се стабилизираше криптопазарот.
-Се стабилира се, но малку фалеше целата крипто-финансиска структура да оди во неповрат. Тоа само го отвори прашањето за регулација на криптопазарот, рече Гошевски.
Тој се осврна и на предвидувањата и на тоа дали ќе се стабилизира криптосветот.
-Има веќе некоја стабилизација. При овие случувања, биткоинот падна до 27.000 долари, а денес е веќе над 30.000 долари. Се` се базира на доверба. На мала врата издржа, ја доби довербата на целата заедница. Мислам дека повеќе од 50 проценти од лицата кои имаат криптовалути ги купиле минатата година. Тоа е заедница која се шири. Има податоци дека веќе 14-15 проценти од Американците имаат некој вид на дигитална валута. Таа заедница некако успеа да го задржи овој пат. Зошто стрмоглавиот пад беше само во рок од неколку часа – капитализацијата од 800 милијарди некако ја снема, објаснува Гошевски.
Целиот разговор погледнете го во видеото: