Фудбалската репрезентација на Франција вечерва покажа зошто обложувалниците сметаат дека тие се главен фаворит за триумф на ЕП. Французите со 3:0 го совладаа Велс, а по пауза од шест години во репрезентацијата се врати Карим Бензема.

Напаѓачот на Реал Мадрид имаше шанса со гол да го прослави кам-бекот во репрезентацијата, но не го реализира пеналот во 27. минута. Седум минути подоцна, Франција поведе преку Мбапе за во второто полувреме со головите на Гризман и Дембеле да дојде до убедлив триумф.

Победа на првиот контролен натпревар во пресрет на ЕП, оствари Англија која на „Риверсајд“ стадионот во Мидлсбро со 1:0 ја совлада Австрија. Единствениот гол го постигна Сака во 57. минута.

Германија одигра само 1:1 против Данска, а ремизираа и Холанѓаните и тоа против Шкотска играјќи 2:2.