ВИДЕО: Елмас со три важни бода, цел меч за Велковски против Наполи!
Денеска во третото коло од групата „Ф“ во Лига Европа екипата на Наполи славеше минимално на гостувањето кај Риека резултат 1:2.
Хрватите први дојдоа во водство од 13 минута со прекрасниот гол на Муриќ, немоќен беше голманот Мерет. Пред крајот на првото полувреме Деме успеа да израмни од непосредна близина после асистенцијата на Мертенс.
За италијанскиот клуб стартер беше македонскиот репрезентативец Елиф Елмас кој настапи до 59 минута кога беше заменет од Руиз.
Само 180 секунди подоцна играчите на тренерот Џенаро Гатузо направија целосен пресврт благодарение на автоголот на Браут.
За домаќините целиот натпревар го одигра нашиот Дарко Велковски. За „наполитанците“ ова е втор триумф во групната фаза и заедно со АЗ Алкмаар и Реал Сосиедад го делат првото место на табелата со по шест бода, а ниту еден на дното е Риека.
Лига Европа
3. коло, резултати –
Рома-Клуж 5:0
Бенфика-Ренџерс 3:3
Х. Беер Шева-Баер Леверкузен 2:4
Лех Познањ-Ст. Лиеж 3:1
Лудогорец-Тотенхем 1:3
Омонија-Гранада 0:2
ПАОК-ПСВ 4:1
Рапид Виена-Дандалк 4:3
Реал Сосиедад-АЗ Алкмаар 1:0
Риека-Наполи 1:2
Сиваспор-Карабах 2:0
Славија Прага-Ница 3:2