Како и македонската А репрезентација, така и Финска посакува за првпат во својата историја да игра на едно Светско првенство.

Денеска во својот седми натпревар од квалификациите Финците дојдоа до третиот триумф на гостувањето во Зеница против Босна и Херцеговина (1:3).

Форс во 29 и Лод во 51 минута се погрижија за позитива од 0:2 за гостите, потоа домаќинот намали во 69 минута преку Менало, а конечниот епилог го постави О`Шонеси (73`).

Моментно во групата „Д“ води Франција со 12 бодови, пред Финска која има 11, Украина е третопласирана со девет, а на последните две позиции се Босна и Херцеговина (седум) и Казахстан (три).

Вечерва од 20.45 часот во Париз Франција со триумф над Казахстан може да го обезбеди настапот на следниот Мундијал.

Во последните две кола на 16 ноември Босанците се домаќини на Украина, а Финска во Хелсинки ќе ги пречека Французите.