Безбедно се евакуирани сите 379 патници и членови на екипажот од авионот на „Џапан Ерлајнс“ (Japan Airlines), што се запали при слетувањето на аеродромот Ханеда, во Токио, соопшти пред малку компанијата, пренесе ДПА.

Авионот се судри на пистата со авион на јапонската крајбрежна стража, претходно јавија јапонските медиуми, повикувајќи се на Министерството за транспорт.

💥💥 #UPDATE: More new video is coming out as Passenger can be seen being evacuated from Japan Airlines Flight JL516 after collision with an Coast Guard aircraft at Tokyo Haneda Airport 5 people are still missing from the Coast Guard aircraft pic.twitter.com/wm8kbLBYdg

— ビットコイン (@Ripple_X_) January 2, 2024

Пријавено е дека пет лица од авионот на крајбрежната стража се мртви. Тешко е повреден пилотот на авионот, еден од шестмината во екипажот на леталото на крајбрежната стража.

Летот 516, на патничкиот авион на “Џапан Ерлајнс“, што сообраќаше од Хокаидо, во северна Јапонија, за Токио, се судри со другиот авион, потоа се запали на пистата и на крајот целосно изгоре. Во авионот имаше 367 патници и 12 членови на екипажот, и сите успееја да го напуштат леталото и безбедно да се евакуираат.

Според телевизиската станица ТБС, авионот на крајбрежната стража превезувал материјал за зоната на земјотресот на западниот брег на земјата, каде досега најмалку 48 лица го загубија животот.

Video captures passengers escaping a burning Japan Airlines plane on the runway of Tokyo’s Haneda Airport after it landed and burst into flames.

It’s reported to have collided with a Japan Coast Guard plane on the tarmac ⤵️ pic.twitter.com/6iVBjyRckB

— Al Jazeera English (@AJEnglish) January 2, 2024

На снимки од ТВ станицата ТБС се гледа како патниците од патничкиот авион се евакуираат од леталото преку гумен лизгач за итни случаи, во време кога спасувачките служби од аеродромот изведуваат операциите на гаснење на пожарот.

Сите писти на токискиот аеродом се затворени, соопшти Министерството за транспорт.

ВИДЕО | Во Јапонија се запали авион при слетување