ВИДЕО: Арсенал се опорави од Ливерпул, богатиот Њукасл на дното во Премиер лигата

„Топџиите“ се вратија на победничките патеки во Премиер лигата/Лондон, Велика Британија/27 ноември 2021/Фото: EPA-EFE/NEIL HALL

После високиот пораз од 4:0 во минатото коло од Ливерпул, играчите на Микел Артета им се вратија на победите. На домашен терен „топџиите“ со 2:0 триумфираа над Њукасл, најбогатиот клуб во Премиер лигата.

Мируваа мрежите по првото полувреме на „Емирати“ стадионот, а во второто Сака и Мартинели беа стрелци на головите.

Треба да се напомене и дека пред паузата Обамејанг имаше прекрасна шанса од петерецот да постигне гол, но изненадувачки ја погоди стативата.

Моментно на табелата Арсенал е петтопласиран со 23 бодови, додека на дното е Њукасл со шест и единствен без победа.

Во следното коло лондонскиот клуб го очекува нов голем меч на гостински терен против Манчестер јунајтед, додека „црно-белите“ се домаќини на Норич.

Видео на денот