На денешен ден на 13 октомври 1993 година, најдобрата македонска фудбалска репрезентација во Крањ го одигра првиот натпревар во својата историја, во пријателски меч со 1:4 триумфираше над Словенија.

Првиот гол се случи уште во третата минута преку Зоран Бошковски – Чоко, зголеми Дарко Панчев кој беше прецизен од пенал во 37 минута.

Само 180 секунди подоцна намалијa Словенците преку Јанеж Пате, за 1:3 се погрижи Чедомир Јаневски од белата точка, а конечниот епилог го постави Драган Канатларовски (51`).

За Македонија играа: Зоран Мицевски, Кире Грозданов (Неџмедин Мемеди 61`), Зоран Јованоски, Драги Канатларовски, Илија Најдоски, Чедомир Јаневски, Зоран Бошковски (Ванчо Мицевски 83`), Љупчо Марковски, Дарко Панчев, Бобан Бабунски (Горан Георгиевски 11`, Сашо Милошевски 79`), Тони Мицевски.

Тогашната А селекција на клупата беше предводена од Андон Дончевски.