Барселона е еден од клубовите кои се највеќе финансиски погодеи од пандемијата на коронавирусот. Хосеп Марија Бартомеу си замина од претседателската функција, но со него не си заминаа и проблемите, напротив доаѓаат за наплата.

Во време кога клубот се наоѓа на работ на банкрот и привремената управата преговара со фудбалерите за намалување на платите за дополнителни 30 проценти, за наплата доаѓа лојалноста на капитенот и најдобар играч, Лионел Меси.

Меси во 2017 година потпиша нов договор со Барселона со кој стана најдоброплатен фудбалер на светот, а во договорот постои клаузула кога му гарантира дополнително богатство. Станува збор за 66 милиони евра кои Меси треба да ги добие доколку не ја напушти Барселона до 2021 година, поточно тоа е бонусот за верност.

Првата половина од таа сума, односно 33 милиони евра се исплатени во февруари годинава, а Барселона која се наоѓа во огромни финансиски проблеми треба да почне да собира пари за останатата половина која треба да му ја исплати најдоцна до завршување на сезоната.

Бартомеу ја уништи Барселона, клубот е на пет дена до банкрот

Барселона спасот од банкрот го бара во Холивуд?!