Репрезентацијата на Аргентина пред почетокот на Мундијалот важеше за еден од најголемите фаворити на Светското првенство во Катар, меѓутоа „Гауочосите“ потфрлија и во првото коло беа поразени од Саудиска Арабија.

Ретко кој очекуваше дека низата од 36 натпревари може да им заврши токму против Саудијците. Со тој пораз Аргентина се доведе во незавидна позиција и против незгодните Мексиканци вечерва нема право на пораз.

Мексико одигра 0:0 против Полска во првото коло, на голот го имаат секогаш одличниот на големите турнири Гиљермо Очоа кој може да биде проблем за Меси и друштвото. Аргентина мора да победи, со реми ќе останат во игра, но и ќе бидат во тешка ситуација за последното коло против Полска.

Токму затоа дефинитивно вечерашниот натпревар е еден од најважните во кариерата за Лионел Меси кој го игра својот последен Мундијал и за него ова е последна шанса со Аргентина да дојде до светската тиула која му недостасува. Ќе потсетиме, „Гаучосите“ во Катар допатуваа како актуелни шампиони на Јужна Америка.