Василев по двете победи над Србија: Секогаш има простор за напредок и подобра игра
Двете победи од (61:53) и (66:54) во Зрењанин против македонската јуниорска репрезентација против Србија треба да се показател за нашиот стручен штаб предводен од селекторот Никола Василев какви треба да бидеме и на оние официјални мечеви кои од 3-8 август нè чекаат на ФИБА „Челенџер“ турнирот во Скопје.
– Ова беше нашиот последен тест пред почетокот на турнирот во Скопје, на кој увидовме некои наши недостатоци и предности. Во дефанзивниот дел одигравме прилично коректно, но во офанзивниот треба да поправиме неколку работи.
Сите играчи го даваа максимумот, но секако дека секогаш има простор за напредок и за подобра игра. Ни остануваат уште неколку дена од подготовките во Скопје, каде ќе ги имаме завршните корекции во играта пред турнирот – рече Василев.
Околу конечниот избор на 12 кошаркари кои ќе играат на „Челенџерот“ во Скопје, предводникот на селекцијата „Под 18“ години, вели дека е отворен задолжителните тестирања за заштита од ковид-19 кои ги налага ФИБА.
– Ќе биде познат по утрешното тестирање од ковид-19, односно вечерниот тренинг. Не сакам ништо да објавувам однапред. Поточно, доколку треба, а би сакале да не биде така, имаме и резервни планови поврзани со конечниот список на играчи кои ќе настапат на турнирот – додава селекторот на јуниорите.