Речиси цело лето траеше сагата околу Маури Икарди и неговото заминување од Интер и евентуален трансфер во Јувентус. На крајот Икарди го истера своето, ги напушти „нероаѕурите“, но наместо во Торино заврши со Париз, во редовите на францускиот шампион ПСЖ и се чини дека не погреши.

Тој во ПСЖ пристигна на едногодишна позајмица, а со досега прикажаните игри ги воодушеви челниците на екипата и тренерот Томас Тухел, кои уште сега се подготвени да платат 70 милиони евра за да го откупат договорот со Интер.

Засега неговата сопруга и менаџер Ванда Нара не се огласи по најавите на челниците на екипата, но затоа јавно кажа каде нема да игра во иднина и ги разочара навивачите на Јувентус кои се надеваа дека тој идното лето ќе се врати во Италија и ќе го облече „црно-белиот“ дрес. За него во моментов постојат само две опции, враќање во Интер или потпис со ПСЖ, што значи дека евентуалниот трансфер во италијанскиот шампион и дефинитивно пропадна.

– Не! Мауро е среќен  во Париз каде постигнува и „луди“ голови. За мене и најважно тој да биде среќен и во моментов тој е навистина среќен. Игра за еден од најголемите светски клубови, а доаѓањето во ПСЖ беше потег за да се го предаде Интер. Не знам кој го истера од Интер, но на крајот се покажа како одличен потег за сите. Тој сега е во подобар и поголем тим од Интер – изјави Ванда Нара.