Млад жител на прилепското село Селце е уапсен вчеравечер во Прилеп, откако во семејниот дом со нож го избодел неговиот татко, кој подоцна починал, соопшти МВР. По крвавиот инцидент во семејниот дом, синот по избегал во Прилеп, но два часа подоцна го пронашла полицијата.

„На 19.12.2022 во 22.00 часот на ул.„Димо Наредникот” во Прилеп, полициски службеници од ОВР Прилеп го лишиле од слобода А.М.(26) од селото Селце, прилепско. Тој се сомничи дека околу 20.00 часот во семејниот дом во Селце, по претходна расправија, со остар предмет му нанел повреди на неговиот татко М.М.(52), кој подоцна починал“, велат од полицијата.

За настанот бил известен Јавен обвинител, а увид извршила екипа од ОВР Прилеп. По наредба на Јавен обвинител, телото било дадено на обдукција.