Станува збор за искусен крилен центар, кој одлично се снаоѓа и на позицијата „пет“, од кого се очекува да биде еден од факторите за добра игра на нашата екипа и тоа под двата коша.

Крстевски веќе има две шампионски титули за себе (2009 и 2018 година), што значи дека може и тоа како да биде од помош во обидот да го одбраниме пехарот од Првата лига освоен минатата сезона.

Центарот кариерата ја почна во Работнички, по што има играно и за Центар, Вардар, Торус и Кожув, а во периодот од 2012 до 2015 година настапуваше за грчка Кавала.

Во текот на вчерашниот ден „металците“ се засилија со талентираниот Кристијан Николов, претходно нови договори со МЗТ потпишаа Андреј Магдевски и Андреј Маслинко, додека обврски од минатата сезона имаат Дамјан Стојановски, Марко Симоновски и Ранко Мамузиќ. Тренер на екипата останува Ѓорѓи Кочов.