ВИДЕО: Минесота го понижи Денвер во „Бол Арена“ за 2:0 во полуфиналето на Западот
Нов „брејк“ на кошаркарите на Минесота откако на гости во „Бол Арена“ со 106:80 го совладаа актуелниот НБА шампион Денвер за водство од 2:0 во полуфиналната серија на Западната конференција.
По двата порази на домашен терен, на Нагетс ќе им треба чудо за да направат пресврт во серијата и да го продолжат походот по титулата.
Тимбервулфс имаат шанса пред своите навивачи во следните два натпревари да остварат победи и обезбедат пласман во финалето на Западот.
Најефикасни во редовите на Минесота беа Карл Ентони Таунс и Ентони Едвардс со по 27 постигнати поени.
На спротивната страна прв стрелец беше Ерон Гордон со 20 поени, следен од Никола Јокиќ кој беше блиску до нов „трипл-дабл“ учинок (по 16 поени и скокови, и осум асистенции).
Третиот меч ќе се игра во Минеаполис в сабота од 03.30 часот по македонско време.
Играчите на Њујорк поведоа со 1:0 во полуфиналето на Источната конференцијата по триумфот над Индијана со 121:117.
Најзаслужен за победата на Никси беше Џејлен Бронсон кој реализираше 43 поени, а кај Пејсерси доминираше Мајкл Тарнер со 23.