Уште еден чекор поблиску до враќање на Премиер лигата, дозволени тренинзи без ограничувања
Екипите од Премиер лигата денеска едногласно одлучија да се вратат на нормалните тренинзи, односно дозволени се контакти.
„Екипите сега се во можност да тренираат како група, додека препораката е да се намалат непотребите блиски контакти“, стои во соопштението на Премиер лигата.
Челниците на најатрактивното фудбалско првенство, уште еднаш потенцираа дека здравјето е приоритет на сите во овие моменти.
„Воведени се строги медицински протоколи со кои се обезбедува теренот за тренинг да биде најбезбедното место за самите фудбалери“.
Според протоколот, фудбалерите и членовите на стручните штабови ќе се тестираат на коронавирус два пати неделно.
Премиер лигата е прекината на 13. март, а нејзиното враќање се очекува кон средината на јуни. До крајот на сезоната треба да се доиграат девет кола, а на Ливерпул му се потребни шест бода за да ја освои титулата која ја чека точно 30 години.