Во Сараево почина младиот продуцент и музичар Ријад Фазлиќ Колатерал (25), јавуваат неговите колеги на социјалните мрежи. Причината за смртта сè уште не е позната.

Од него се опростуваат многу колеги, а меѓу нив прв се огласи познатиот Аднан Хамидовиќ Френки (37).

– Не напушти нашиот другар Ријад Фазлиќ Колатерал. Беше секогаш симпатичен, предобар, духовит и како таков ќе те паметиме, брате наш – започнал раперот.

– Твоето заминување е огромна загуба за целата домашна сцена и ќе ни недостигаат твоите зафрканции во студио. Те сакаат твоите другари – напишал Френки на социјалните мрежи.

И босанско-херцеговачкиот рапер Џала Брат (33) се опрости од колегата. Тој објави „стори“ на Инстаграм  и напиша:

– Имам обврска ова да го напишам. Имам обврска јавно да ти се заблагодарам за се што направи за мене, за моите колеги и комплетната хип-хоп сцена – започнал Џала.

– Благодарам за се легендо и жал ми е што не стигнав ова да ти го кажам во лице. Прерано замина, но барем остана твојот потпис и незаборавен траг. Убаво спиј ангеле… – напишал раперот.