Украински командант од Азовстал: Ако ни снема храна – ќе ловиме птици
Цивилите и украинските војници кои се кријат во фабриката за челик Азовстал во Мариупол се соочуваат со непрекинато бомбардирање, основните прехранбени производи недостасуваат додека украинските власти брзаат да ги евакуираат оние што се уште се внатре.
Според заменик-командантот на азовскиот полк од фабриката Свајтослав Паламар, нападите на руските сили се случуваат без престан, со тенковска и рафална артилерија и на секои три до пет минути има воздушно бомбардирање“ на руските борбени авиони.
Тој додаде дека „се уште има цивили кои се кријат во фабриката, а непријателот продолжува да бомбардира“, пренесува CNN.
Околу 100 цивили беа евакуирани од централата во неделата, но сеуште не се спроведува дополнителна евакуација планирана за денеска
Во меѓувреме, атмосферата меќу засолентите лица во Азовстал е тензична , залихите на вода и храна се при крај, велат војниците кои се наоѓаат внатре и одбиваат да се предадат.
„Не можам со сигурност да ви кажам колку залихи во моментов ни остануваат и за уште колку денови,. Ги штедиме, преостанатите залихи, но луѓето се исплашени бидејќи се без вода и храна, а особено муниција“, рече Паламар,
Тој посочи дека ако се случи најлошото и останат без храна „ќе ловиме птици, и ќе направиме се да останеме силни“.
Русија тврди дека нејзините војници стигнале до периметарот на фабриката и спроведуваат „чекор по чекор мисија за чистење“, што Паламар го негираше.
„Засега целата територија на фабриката е под наша контрола и нашата одбрана е по целата челичарница, ние ја држиме одбраната“, рече Паламар.
Пет руски олигарси, пет сомнителни смртни случаи и пет неодговорени прашања
Велика Британија ќе обезбеди 356 милиони евра воена помош за Украина
Москва со економски контраудар: Овие мерки стапуваат на сила веднаш кон „непријателските земји“
