Украински генерал: Го нудам мојот живот во замена за животите на децата кои останаа во Мариупол
Украинскиот генерал Вјачеслав Аброскин преку својот Фејсбук профил, понуди да им се предаде на руските сили во замена за животите на децата кои останале во сега веќе целосно уништениот украински град Мариупол.
Уште пред да почне војната, им ветив на жителите на градот дека во случај на војна, ќе го бранам Мариупол заедно со Азов. Денес останаа многу деца во тотално уништен град, кои ако не се спасат сега, ќе умрат во наредните денови, времето отчукува. Апелирам до руските окупатори – дајте ми можност да ги извадам децата од Мариупол. Во замена за нив се нудам самиот. Да, ве замолувам да ме пуштите во Мариупол да соберам деца и да го организирам нивното евакуирање. Ми требаат три дена. На последниот контролен пункт на враќање со децата, ќе ви се предадам. Јас сум полициски генерал кој директно од 2014 до 2018 организираше контранапад против вас во регионот Доњецк. Јас сум вклучен на вашите листи за санкции. Вие ме барате мене. Исцениравте обид да ме елиминирате.
Десетици од вас беа убиени, а илјадници ваши соучесници беа притворени со моја вмешаност. Јас сум токму генералот кој е можеби најблизок до славниот Азовски полк.
Мојот живот ми припаѓа само мене и го нудам во замена за животите на децата кои сè уште остануваат во Мариупол“, напиша Аброскин на Фејсбук.
Украинско семејството за хоророт во Мариупол: Пукаа во луѓето што чекаа ред ред за вода