УКИМ промовираше 13 доктори на наука
Универзитетот „Св.Кирил и Методиј“ во Скопје одржа промоција на доктори на наука, од областа на општествените науки, медицинските науки и здравството и техничко-технолошките науки.
На свечен и традиционален начин, ректорката проф. д-р Биљана Ангелова, промовираше 13 доктори на наука, кои одбраниле докторски дисертации на Филозофскиот факултет, Медицинскиот факултет, Машинскиот факултет и Факултетот за електротехника и информациски технологии во Скопје.
Во доктори на наука беа промовирани Елена Ангелевска, Александар Ѓерасимовски, Симона Домазетовска и Марија Лазаревиќ, доктори на техничко-технолошки науки од областа на машинството, Јован Карамачоски, Ѓорѓи Илиевски и Васко Здравески, доктори на технички науки од областа електротехника и информациски технологии, Милена Илиќ-Пешиќ, доктор од подрачјето на општествените науки – педагогија, Елисабета Ологу, доктор по општествените науки од полето на социјална работа и социјална политика, Рина Ајдари, доктор по општествени науки од полето на социологијата – европска интеграција, Вера Пеншовска Николова, доктор на медицински науки – клиничка медицина од областа на кардиологијата, Жарко Спасовски, доктор на медицински науки – клиничка медицина од областа на хирургијата и Ана Михајловска Рендевска, доктор на медицински науки – клиничка медицина од областа на радиологијата.
Автор: М.С.П.