Угледен француски хирург СИЛУВАЛ 250 деца – Ги злоставувал додека уште биле под АНЕСТЕЗИЈА
Жоел ле Скуарне (66), кој е прочуен француски хирург за абдоменот од болницата „Жонзак“, силувал 250 девојчиња и момчиња, од кои повеќето имале само четири години, за траењето на неговата долга и запазена кариера.
Тој во 2005 година е осуден за поседување фотографии од сексуално злоставување на деца, но тогаш бил само суспендиран на четири месеци. Заради успешната кариера не го „допирале“ се до 2017 година, кога неговите криминали почнале премногу да бодат очи.
Последното злосторство за кое е обвинет, е силување на две девојчиња, од 4 и 6 години, наведува Тајмс. Тој и двете обвиненија ги одрекувал, а неговиот адвокат изјавил дека тој признал „девијантно однесување“ со тие девојчиња.
Surgeon may be France’s most prolific paedophile https://t.co/wbGmmll4w9
— Dr Anthony Martin (@AMAinsight) August 22, 2019
Meѓутоа, француската полиција извршила претрес на неговата куќа и пронашла дневник во кој тој детално опишувал како сексуално злоставувал болни деца. Тоа што додава посебно морничава димензија на овој случај е дека повеќето од жртвите тој ги силувал откако им завршувала операцијата, додека уште биле под анестезија.
Un ex-chirurgien accusé d'abus sexuels sur plus de 200 mineurs https://t.co/qIWfmEeqoQ
— L'Express (@LEXPRESS) August 21, 2019
„Отворете го тој дневник и веднаш ќе го затворите, толку е ненормално перверзен“, рекла Францеска Сата, адвокат на една од жртвите. На едно место тој пишал дека многу бил нервозен што во собата на едно мало девојче на кое се возбудил влегле нејзините родители, па морал да се откаже од намерата.
Полициските детективи воспоставуваат контакт со една по друга жртва и велат дека многу од жртвите, кои сега веќе се млади луѓе, биле шокирани бидејќи не се сеќаваат дека биле силувани.
Paedophile surgeon, 66, 'kept diary detailing how he abused 250 boys and girls as young as four' https://t.co/DSXSd4ljpo
— Daily Mail Online (@MailOnline) August 22, 2019
Ле Скуарне признал дека силувал „некои деца“, но тврди дека не го опишувал тоа во дневникот. Наводно тој пишувал чиста фикција.
Судењето се очекува на крај на оваа или почетокот на 2020 година.