УЕФА денеска донесе одлука да не го одложува новото издание на Лигата на Нации во кое ќе учествува и македонската фудбалска репрезентација, откако веќе започнаа квалификациите во клупските натпреварувања.

Нема да биде откажана Лигата на нации

Првото коло од новото издание ќе започне од 3. септември и во наредните пет дена сите 55. европски репрезентации ќе патуваат низ континетот, поради што УЕФА упати специјално барање до сите свои членки.

„Фудбалерите од странски екипи кога ќе доаѓаат во своите држави можеби ќе бидат приморани да одат во карантин. Ги охрабруваме Федерациите да бараат од своите Влади да нема карантин за фудбалерите и членовите на репрезентациите. Податокот дека фудбалерите ќе бидат редовно тестирани како дел од протоколот на УЕФА би требало да обезбеди ваквите барања да не претставуваат ризик за општеството“, објави УЕФА.

УЕФА е единствената од шесте континентални федерации членки на ФИФА која не ги одложи септемвриските репрезентативни активности, но не отпишува дека некои натпревари може да се одиграат на неутрален терен доколку условите и состојбата во одредена земја претставуваат ризик за организација на натпреварите.