Ударот врз американската економија е шок со историски размери
Ќе треба да донесеме навистина многу сериозни мерки за повторно да ги натераме луѓето на оптимизам, заклучи советникот на Трамп.
Невработеноста во САД се очекува да порасне на 16 проценти и државата ќе биде принудена на дополнителни стимулации, предупреди економскиот советник во Белата куќа.
– Ситуацијата е навистина сериозна, изјави советникот на американскиот претседател Доналд Трамп, Кевин Хасет за Еј Би Си.
– Мислам дека таков шок никогаш не е виден во нашата економија. Ќе бидеме сведоци на приближување на стапката на невработеност до нивоа регистрирани за време на Големата депресија во 1930-те, додаде Хасет.
Тој смета дека „стапката на невработеност веројатно ќе достигне околу 16 проценти или повеќе во новиот извештај за работа во април, што ќе биде објавен на 8 мај”.
– Ќе треба да донесеме навистина многу сериозни мерки за повторно да ги натераме луѓето на оптимизам, заклучи советникот на Трамп.
Според него, исто така, се очекува падот на БДП во вториот квартал да биде „голема бројка”.