Уапсен Џулијан Асанж! (ВИДЕО)
Еквадор го повлече азилот за основачот на „Викиликс“, Џулијан Асанж, за потоа тој да биде уапсен во амбасадата на Еквадор во Лондон.
Како што јавува „Би-Би-Си“, тој е уапсен после седум години поминати во амбасадата на Еквадор, која му одобри азил.
Веста ја потврди британскиот министер за внатрешни работи, Саџид Џавид.
-Можам да потврдам дека Асанж е во притвор и дека е соочен со правосудството во Британија“ – изјави министерот.
„Викиликс„ на својот твитер-налог објави дека полицијата веднаш влегла во зградата и го привела.
Асанж во амбасадата на Еквадор се наоѓаше од август 2012 година, откако се скрил од страв дека британските власти ќе го уапсат и ќе го екстрадираат во САД, кои го бараат поради објавување на илјадници тајни воени и дипломатски документи.
Асанж некои го доживуваат како херој, бидејќи како што сметаат, ги разоткрил владите по повод злоупотребата на овластувањата и го сметаат за борец за слободата на говор. За други тој е бунтовник кој ја загрозил безбедноста на САД.