Турскиот министер за надворешни работи, Мелвут Чавушоглу, денеска го нарече „чист апсурд” тоа што шведскиот државен обвинител не презема ништо во врска со инцидентот во кој демонстранти обесија маскота на турскиот претседател Реџеп Таип Ердоган.

Шефот на турската дипломатија истакна дека инцидентот е расистички напад, злосторство извршено од омраза.

„Шведска не треба ниту да се обидува да ја залаже Турција дека се работи за слобода на говор”, додаде Чавушоглу.

Шведскиот обвинител денеска изјави дека нема да покрене официјална истрага во врска со овој случај.

Минатата недела на протест на Курдите што се одржа во центарот на Стокхолм, демонстрантите на бандера обесија кукла со ликот на турскиот претседател Реџеп Таип Ердоган.

Турците посочија дека овој случај е спротивен на договорот меѓу Шведска и Финска со Турција, членка на НАТО, од која очекуваат одобрение за нивниот прием во Алијансата, и дека ќе се сузбие делувањето на курдските активисти.

Шведска лута на Курдите кои обесија кукла со ликот на Ердоган во Стокхолм