Денешниот пречек на грчкиот премиер, Алексис Ципрас, помина без да бидат интонирани државните химни како што тоа вообичаено се случува при секоја официјална посета на висок државен функционер.

Од Владата велат дека речиси сите протоколарни свечености биле изоставени затоа што доцнел авионот на Ципрас.

„Поради доцнењето при слетувањето на авионот беа изоставени протоколарните свечени активности при дочекот, со цел да се добие време за исполнување на работната агенда“, одговорија за „Фокус“ од Владата.

Во јавноста се коментира дека пропуштањето да се интонира химната било намерно, бидејќи во текстот на нашата химна сè уште не е внесено новото уставно име на државата.