Тројца Македонци во АЕК Ларнака, потпиша и Спировски
Играчот од средниот ред со кипарскиот клуб се согласи за договор на две години, ќе им се придружи на Тричковски и Мојсов.
Уште еден наш играч ќе настапува за кипарскиот клуб, Стефан Спировски одлучи да ја продолжи кариерата во АЕК Ларнака.
За оваа екипа веќе настапуваат двајца македонски фудбалери, тие се Иван Тричковски, еден од најдобрите стрелци на клубот и дефанзивецот Даниел Мојсов кој пред четири дена ја продолжи соработката.
Спировски (29) досега ги бранеше боите на Хапоел Тел Авив, а беше дел и од Ференцварош, Вардар, Берое, Работнички, Борац Чачак и Пелистер.
Играчот од средниот ред се согласи за договор на две години, за израелскиот клуб Хапоел Тел Авив запиша 24 натпревари и шест голови.
За најдобрата македонска репрезентација има 31 меч и еден погодок пред три години во пријателската против Белорусија (3:0) во Скопје.