Трансферот на Елмас ќе биде објавен в петок?
Екипата на Фенербахче в петок ја очекува одлуката на УЕФА, околу истрагата за наводното прекршување на правилата за Финансискиот ферплеј, по што ќе се знае каква трансфер политика ќе има турскиот клуб во текот на летниот преоден рок.
Од Истанбул најавуваат најмалку пет звучни засилувања во составот, а се очекува и заминување на најталентираниот македонски фудбалер Елиф Елмас.
Fenerbahçe'ye transfer şoku! İşte o açıklama ve UEFA… Son dakika haberleri https://t.co/fQJvAuCk6q pic.twitter.com/Tiw0Iglt79
— Istihbarat Servisi (@TC_Istihbarat) June 26, 2019
За Елмас се бара обештетување од 18 милиони евра, а моментно поголем број на европски екипи се заинтересерани за нашиот репрезентативец, но од турскиот клуб ќе ја чекаат одлуката од Нион.
Атлетико не е во игра
Атлетико Мадрид демантира дека испратиле понуда за Елмас, но потврдено е дека за него заинтересирани се од неколку италијански и еден англиски тим.
– Постојано има нови вести за мојот трансфер, но мојот татко е мојот менаџер и сигурен сум дека ќе ја донесе вистинската одлука за иднината на мојата фудбалска кариера – оваа изјава на Елмас беше пренесена од шпанскиот весник „Ел мундо депортиво”.
❌İspanyol basını, Fenerbahçeli Eljif Elmas'ın Atletico Madrid'in gündeminde olmadığını yazdı. https://t.co/4qdDBmjjYk pic.twitter.com/rVZp4YUldV
— Ajansspor (@ajansspor) June 26, 2019
Токму неговиот татко порача дека во моментов четири големи италијански екипи се подготвени да ја исплатат посакуваната сума.
Не е тајна дека веќе подолго време за него се заинтересирани од поголем број на тимови од „стариот континент”.
Премиер лигата е следната дестинација?
Претходно објавивме дека и финалистот од Лигата на шампионите, тимот на Тотенхем. Од таму се понудени 19 милиони евра, како и уверување дека фудбалерот би добил шанса да се докаже во стартниот состав на тимот од Северен Лондон.
Tottenham have offered £17million plus Vincent Janssen for Fenerbahce midfielder Eljif Elmas. (Fotomac) pic.twitter.com/UBiz5guoMW
— Hotspur Hacker (@HotspurHacker) June 22, 2019
Познато е дека голем интерес за нашиот фудбалер има и од тимот на Интер, а посредник во овие преговори бил капитенот на македонската репрезентација Горан Пандев.
Не треба да се потцени ниту интересот на Милан или Фиорентина, а веќе од поодамна е познато дека за 19 годишниот Елмас се заинтересирани и од Борусија Дортмунд.