22 C
Скопје

Трамп им се заканува на демонстрантите со сила: Нема да ги уривате нашите споменици! (ВИДЕО)

Мети на демонстрантите најчесто се споменици на генерали на Конфедерацијата, но урнати се и статуите на Кристифор Колумбо.

Претседателот Доналд Трамп рече дека ќе издаде извршна наредба по прашањето на американските историски споменици, додека движењето за отстранување на спомениците кои активистите ги сметаат за расистички добива замав, што е само дел од пошироките национални протести поради расната неправда.

„Нема да ги уриваат нашите споменици“, им рече Трамп на новинарите во Белата куќа. „Ќе издадам извршна наредба наскоор и тоа ќе го зацврсти она што веќе го имаме, ќе даде рамнотежа“.

Трамп денеска исто така најави одобрување, „кое стапува на сила веднаш“, дека ќе го уапси секој ќе го осквернави сеќавањето на припадниците на вооружените сили на сојузна земја и се закани дека ќе употреби сила против демонстраните во Вашингтон. Сојузните власти имаа минатите 17 години право да го затворат или казнат секој оној кој уништува споменици, според Законот за ветерански споменици.

Демонстраните во понеделникот се обидоа да го урнат споменикот на Ендру Џексон, седмиот американски претседател, во паркот близу Белата куќа, но полицијата ги растера пред да успеат со јажиња да го урнат споменикот.

Џексон, сопственик на плантажа со црни робови, бил претседател во два мандати од 1829 до 1837 година, со популистички карактеристики, поради што понекогаш го споредуваат со Трамп.

Пред претседателскиот мандат, демократот Џексон во 1830 година го потпишал Законот за преселување на Индијанците, со кој присилно е исселено домородното население од југот на САД во просторите западно од реката Мисисипи, при што во текот на долгиот пат, кој е наречен Патека на солзите, починале илјадници Индијанци.

Мети на демонстрантите најчесто се споменици на генерали на Конфедерацијата, но урнати се и статуите на Кристифор Колумбо, додека во Сан Франциско во саботата протестантите го урнаа споменикот на генералот на Унијата Улисес Грант како и на светецот заштитни на Сан Франциско Свети Јупитер.

 

Поврзани вести

Македонец стана член на престижна меѓународна стручна асоцијација

Слободен печат

Германија против укинување на патентите за вакцините

Слободен печат

Неексплодирана граната пронајдена во нива во Охридско со потекло од Првата светска војна

Слободен печат

Вархељ: Членките на ЕУ одобрија примена на нова методологија за Србија и Црна Гора

Слободен печат

„Глобсек“: Црна Гора е најруската членка на НАТО, две третини од Македонците се приврзани кон Русија

Слободен печат

Советот на Европа бара да се подобрат условите во „Идризово“ и во „Шутка“

Слободен печат

Остави Коментар