Македонскиот кошаркарски репрезентативец Бојан Трајковски е задоволен од постигнатиот резултат во дуелот со Словачка во кој ја постигнавме првата победа во претквалификациите за СП.

Вели дека она што било договарано пред средбата било во најголем дел и реализирано (69:47). И дека со мислите се веќе усмерени кон следните мечеви кои ги носи „Балонот“ во Скопје.

Нашиот играч беше прв стрелец против Словаците со 16 поени, додаде и осум скокови.

– Сè што се случи првиот натпревар, го поправивме во вториот. Тоа што се договаравме да не го правиме, не го правевме. Игравме без нервоза и без грешки и на крајот заслужено победивме. Како што го заборавивме поразот од првиот натпревар, така ќе ја заборавиме и оваа победа.

Имаме уште два меча до крај, мора да бидеме внимателни. Се надевам дека ќе завршиме со тој позитивен скор. Секој натпревар е приказна за себе, ќе се обидеме да бидеме подобри со Швајцарија и да не промашуваме зицери. Сакаме победи и на следните два натпревари – рече Трајковски по победата над Словачка.

Бајиќ: Не се плашиме од никого, така ќе биде и понатаму