Научниците пронајдоа нови методи за спречување на деменција. Ако пиете само две чаши чоколадо на ден, би можеле да ја подобрите вашата меморија за 30 проценти, покажуваат истражувањата. Студијата, објавена во списанието Неврологија, опфати 60 лица со просечна возраст од 73 години, кои немале деменција.

Секој од нив пиел по две шолји топло чоколадо на ден во текот на еден месец и не конзумирал друго чоколадо за време на студиите. Нивната меморија и способност за размислување биле тестирани, а протокот на крв во мозокот бил измерен со ултразвук.

Скоро третина од испитаниците имале намален проток на крв на почетокот на студијата, но до крајот на студијата имало подобрување на протокот на крв. Тие заклучиле, според тоа, дека пиењето топло чоколадо (најмалку 60 до 70 проценти какао) може да го намали ризикот од деменција со зголемување на протокот на крв во мозокот до осум проценти.