Тиквеш Кавадарци е новиот прволигаш, Силекс во Втората лига
Денеска во еден исклучително тежок натпревар екипата на Тиквеш Кавадарци на Арената „Тодор Проески“ – Скопје со резултат 1:0 триумфираше против ФК Силекс во бараж мечот.
Во денешниот меч стрелец на победничкиот гол за Тиквеш Кавадарци на нашиот најголем стадион беше Спахиу во 54 минута.
Последен пат кавадарчани беа дел од Првата лига во натпреварувачката сезона 2003/2004.
Потсетување дека Силекс го освои Купот на Македонија откако славеше победа со 4:3 по подоброто изведување пенали на дуелот со Академија Пандев.
Кратовци следната сезона ќе играат во Втората лига, но ќе ја претставуваат Македонија летово на меѓународната сцена.
Се играше уште еден бараж, на ФФМ Тренинг центарот „Петар Милошевски“ – Скопје, Ренова го задржа прволигашкиот статус откако на пенали триумфираше со 3:2 против Охрид. По регуларните 90 минути резултатот беше 2:2.
Фото: ФФМ/facebook.com/footballfederationofmacedonia/