Огромниот прилив на пациенти со коронавирус започна да ги напрега во болниците во Москва, додека бројот на починати од вирусот во Русија се искачи на повеќе од 100.

Москва и другите региони во Русија се под рестрикции околу две недели, но болниците во главниот град веќе ги пополнија своите капацитети.

Во петокот, голем број амбулантни возила се редеа пред болницата која лекува пациенти со коронавирус во предградие на Москва, чекајќи да ги остават пациентите, пишува Гардијан.

Пиздец. Очередь в больницу в Москву!!! #москва pic.twitter.com/2FHhoD97VL

— Алексей Кириленко (@Kirilenko_a) April 10, 2020

Возач на амбулантно возило сведочи дека чекал околу 15 часа пред болницата за да го остави пациентот кој требало да биде хоспитализиран.

Истата ситуација е забележана и вчеравечер:

Dozens ambulance with #COVID19 patients are in the line in front of the Moscow hospitals. Moscow, RU. April 11, 2020, video from RUnet. #RussiaCovid19 #disaster #Russia pic.twitter.com/jiQ14p2FDB

— Nikolay Shubin (@NikolayShubin1) April 11, 2020

„Ситуацијата во Москва и Санкт Петерсбург, но особено во Москва, е навистина тензична поради тоа што бројот на заразени лица континурано расте“, изјави портпаролот на Кремлин, Дмитри Песков во интервју за државната телевизија.

„Има огромен прилив на нови пациенти. Воочуваме дека болниците во Москва работат во екстремна, интензивна, херојска атмосфера“, истакна Песков.

Видата на твитер од редици со амбулантни возила се се’ почести и од различни локации:

Посмотрите видео, снятое из машины "Скорой помощи" и у вас больше не будет вопросов на тему "почему мы видим ролики с гигантскими очередями скорых перед больницами".
Чтобы сдать больного нужно прождать 9 часов. pic.twitter.com/JBevUZk8al

— Alexey Navalny (@navalny) April 11, 2020

Центарот за справување со кризи во Русија соопшти дека болниците ги преземаат сите возможни мерки за да овозможат брз прием и дека во случајот со возилата кои чекаа со часови не станувало збор за системски проблем.

Русија досега пријави 13.584 случаи на Ковид-19, а во саботата властите потврдија дека 12. нови смртни случаи ја зголемија бројката на 106 починати од вирусот.

Песков додаде дека се ќе стане појасно за неколку недели бидејќи државата се приближува до пикот на епидемијата.

Сергеј Собјанин, градоначалникот на Москва во петокот рече дека главниот град е далеку од врвот на епидемијата, истакнувајќи дека е во рана фаза. Следниот ден, Собјанин ги претстави дигиталните дозволи за излегување за да може полесно да го контролира движењето во градот.

Градоначалникот на главниот град истакна дека овие дозволи ќе содржат код кој ќе го идентификува сопственикот и само така ќе може да се користи превозни средства, како автомобил, мотор, скутер, такси или јавен превоз. Тој ги информираше граѓаните дека задолжително е да ги имаат личните документи со себе бидејќи полицијата патролира насекаде.

„За жал, ова е есенцијално“, напиша Собјанин на неговиот вебсајт: „Потребно е за да ги заштитиме нашите животи и здравјето на многу жители на Москва, за да го пребродиме ова и да се вратиме на нормалното секојдневие“.

Деновиве е забележано и зголемено полициско присуство на улиците низ Москва.

На почетоците од пандемијата, Русија регистрираше далеку помал број на регистрирани пациенти со Ковид-19 за разлика од другите западни држави. До крајот на март, властите кажуваа дека ситуацијата е под контрола и дека нема епидемија во Русија, но на почетокот од месец април, бројот нагло се зголеми.