Тензична седницата за „Диво Насеље“: Ова е Албанија, не го признаваме судот - Слободен печат
Хроника

Тензична седницата за „Диво Насеље“: Ова е Албанија, не го признаваме судот

Адвокатите кои ни се доделени немаат право да говорат наместо нас. Четири години слушаме, сега послушајте не нас, рече Генц Сефај, осуден за „Диво Насеље“.

Тензична атмосфера на денешната јавна седница на Апелацискиот суд за случајот „Диво Насеље“. На почетокот од седницата осудените побараа меѓународна истрага и кажаа дека ова е Албанија, дека не го признаваат судот и дека адвокатите кои им се доделени немаат право да говорат наместо нив. Осудениците испраќаа пцовки кон судечкиот совет на чие чело е судијката Цветанка Периќ, објави А1.он.

– За нас судот не постои. Ова е Албанија. Адвокатите кои ни се доделени немаат право да говорат наместо нас. Четири години слушаме, сега послушајте не нас – рече Генц Сефај, осуден за „Диво Насеље“.

Осудениците пред Судот кажаа дека целиот судски процес е изрежиран од страна на коалицијата Груевски – Ахмети и побараа како сведоци да бидат прифатени, екс-премиерот Никола Груевски, екс-директорот на УБК, Сашо Мијалков, Али Ахмети, поранешниот претседател Ѓорге Иванов, Стојанче Ангелов, Муса Џафери, Садула Дураки и останати високи поранешни и актуелни функционери на ДУИ. По ова осудениците ја напуштија јавната седница која ќе продолжи само во присуство на нивните адвокати.

 

 

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close