Познатиот режисер Квентин Тарантино (58) и неговата сопруга Даниела го очекуваат своето второ дете.

Веста доаѓа две години откако парот го доби своето прво дете, синот Лео, во февруари 2020 година, пренесува People.

Тарантино и 20 години помладата Даниела, ќерката на израелската кантавторка Цвике Пик, се запознале во 2009 година додека режисерот бил во Израел, каде што го промовирал својот филм „Немилосрдни гадови“.

Минатата година, во интервју со Џими Кимел, Тарантино објасни зошто на својот син му го дал името Лео, за кој многумина мислеа дека го добил името по актерот Леонардо Дикаприо, со кого режисерот соработуваше на филмовите „Django Unchained“ и „Once Upon a Time in Hollywood“.

„За малку немаше да му го дадеме тоа име, затоа што луѓето би претпоставувале дека сме му го дале името по Леонардо Дикаприо. Нема ништо лошо во тоа, но син ми го доби името по дедото на мојата сопруга, но и затоа што, во нашите срца, тој беше нашиот мал лав. Значи, тој е лав. Така размислувавме за него“, изјавил тогаш оскаровецот.

Тарантино и неговото семејство во моментот живеат во Тел Авив, Израел, а Лео го воспитуваат да зборува и англиски и хебрејски.

Познатиот режисер ја запозна Даниела во 2009 година, кога го промовираше филмот „Немилосрдни гадови“. Тие се свршија во јуни 2017 година, по една година врска, а се венчаа во ноември 2018 година. Ова е прв брак на Тарантино.

Легендарниот Тарантино на 56 години го доби првото дете