Претседателот на Косово, Хашим Тачи, после средбата со амбасадорот Ричард Гренел, се заблагодари за американското посредување во постигнувањето на договорот со Србија за воспоставување на авиолинијата Приштина- Белград.

– Сакам да се заблагодарам многу за постигнување на договорот го постигнавме со посредство на амбасадорот Гренел, и со огромна подршка од претседателот Трамп, за воспоставување на авиолинијата Приштина-Белград, мислам дека е нешто ново, тоа што не успеаја другите да го направат го направи амбасадорот Гренел и администрацијата на САД, рече Тачи.

Меѓу другото Тачи оваа воздушна линија ја нарече како одличен и незаменлив проект.

– Верувам дека со лидерството на Трамп, ќе постигнеме финализирање на договорот помеѓу Србија и Косово, додаде Тачи.