Евгенија Куни (26) со години е синоним за анорексија. Веќе со првата своја фотографија што ја објави на Интернет, стана вирална, а нејзината слаба фигура е застрашувачка.

Таа зборува за шминка и мода на Јутјуб, но сè подлабоко влегува во анорексија. Гледачите кои го посетуваат нејзиниот канал ретко го следат она што го кажува за пудрите, кармините или облеката што ја носи. Многумина само гледаат во нејзиното тело – висока е 170 см и тежи помалку од 41 килограм.

Евгенија има повеќе од два милиони следбеници на Јутјуб. Заработила повеќе од половина милион долари на сметка на своите снимки. Таа со години живее со анорексијата.

Никогаш не потврдила дека има анорексија, а до својата публиката испраќа пораки од типот: „Никогаш не дозволувајте да влијае на вас она што го велат за вас“. За себе вели дека „едноставно изгледа така“.

Нејзините фанови ѝ порачуваат дека одамна требало да отиде во болница и да започне со лекување. Некои ја обвинуваат и за промовирање на анорексија бидејќи, додека ја покажува новата облека што „виси“ на неа, се прашуваат дали е воопшто свесна дека е болна, иако се чини дека ужива во глетката на своето слабо тело.

??❤️?? pic.twitter.com/vuRJVoURvy

— Eugenia Cooney (@Eugenia_Cooney) October 3, 2020

Во 2016 година беше покрената и петиција за отстранување на Евгенија од Јутјуб. Беа собрани околу 16.000 потписи, а потоа петицијата беше укината. Покренати се уште иницијативи, вклучително и бојкотот на нејзините снимки, меѓутоа, сè што е преземено пропадна, бидејќи секој вид на обид на публиката да ѝ помогне на Евгенија, привлекло уште повеќе следбеници.