Светско првенство за крај на една ера: Меси, Роналдо и Модриќ
Иако сè е можно кога станува збор за нив, Светското првенство во САД, Мексико и Канада веројатно ќе биде последно за три фудбалски великани, Аргентинецот Лионел Меси (38), Португалецот Кристијано Роналдо (41) и Хрватот Лука Модриќ (40).
Препорачано
Без сомнение, Меси, Роналдо и Модриќ ги поместуваат границите на фудбалот. За Роналдо и Меси, ова ќе биде рекордно шесто СП, додека за Модриќ ова е петти Мундијал.
Број на натпревари на Светското првенство
Лионел Меси – 26
Кристијано Роналдо – 22
Лука Модриќ – 19
Меси, Роналдо и Лука имаат вкупно 67 настапи на светските шампионати – аргентинската легенда го држи рекордот со 26 одиграни натпревари, Роналдо има одиграно 22, а Модриќ има 19 мечеви.
Број на клупски трофеи
Лионел Меси – 46
Кристијано Роналдо – 35
Лука Модриќ – 28
Нивните бројки се нереални, Лео, Кристијано и Лука имаат освоено вкупно 109 клупски трофеи во својата кариера – Меси има 46 клупски трофеи, Роналдо 35, а Модриќ 28.
Во репрезентативниот дрес, Меси го има златото од последното Светско првенство во 2022 година, и две титули на Копа Америка (2021, 2024). Роналдо беше европски шампион во дресот на Португалија во 2016 година, и двапати победник на Лигата на нации (2019, 2025).
Модриќ може да се пофали дека освои сребро на СП во 2018 година со репрезентацијата на Хрватска, и бронза во Катар пред четири години. Тој освои и сребро во Лигата на нации во 2023 година.
Број на настапи за репрезентацијата
Кристијано Роналдо – 228
Лионел Меси – 199
Лука Модриќ – 198
Роналдо е светски рекордер со 228 настапи за националниот тим, следниот настап на Меси ќе биде јубилеен 200-ти, додека Модриќ ќе запиша 200 настапи во второто коло против Панама.
