Извештај на НАТО: Вкупните воени расходи на земјите-членки во 2020 година ќе изнесува 1.092,5 милијарди долари
Вкупните расходи на земјите-членки на НАТО во 2020 година ќе изнесуваат 1.092,5 милијарди долари, што е за 61 милијарда долари повеќе одошто во 2019 година, се вели во статистичкиот извештај за воените трошоци на Алијансата. Обемот на воени трошоци во Европа и Канада, во 2019 година, изнесуваше 301,38 милијарди долари.
Велика Британија и Франција, двете најголеми воени сили на Европа, се очекува да ја достигнат целта од два процента, заедно со Грција, со Полска, со Летонија, со Литванија, со Естонија, со Полска, со Романија и со Норвешка.
Но, неколку големи земји на ЕУ нема да успеат, вклучувајќи ги Германија со 1,57 отсто, Италија (1,43 отсто) и Шпанија (1,16 отсто). Најмногу заостануваат основачите на ЕУ, Белгија (1,10 проценти) и Луксембург (0,64 проценти), пишува „Фајненшл тајмс“.
Презентирајќи го извештајот, генералниот секретар на НАТО, Јенс Столтенберг, на прес-конференција во Брисел изјави дека и покрај пандемијата, воените трошоци на европските земји од НАТО и Канада се зголемуваат: „Шеста година по ред, гледаме зголемување на воените трошоци, очекуваме овој тренд да продолжи”.
Споредбата на воените трошоци на НАТО во 2019 година и во 2020 година, изразени во долари, покажува дека девет од 30 земји ги намалиле своите воени трошоци. Најзначајно намалување на воените трошоци има во Бугарија – од 2,16 милијарди на 1,2 милијарди долари.
САД очекуваат сите земји-членки на НАТО да ги зголемат своите воени трошоци на најмалку два отсто од БДП до 2024 година, проценка што е надмината во 10 од 30 земји-членки на Алијансата, вклучувајќи ги и САД.