Старец (103) си донесе 73 години помлада невеста – индонезиската двојка топ тема на социјалните мрежи
Фотографиите и видео записите од венчавката на двојката веќе недела дена предизвикуваат огорченост и шеговити коментари на социјалните мрежи.
Уште минатиот месец индонезиските социјални мрежи пишуваа за контроверзната венчавка во Јужен Сулавеси, кога 103-годишниот холандски колонијален воен ветеран се ожени со 30-годишна жена.
Фотографиите и видео записите од венчавката на двојката веќе недела дена предизвикуваат огорченост и шеговити коментари на социјалните мрежи.
Имаше и такви кои не можат да веруваат дека венчавката е вистинска, но сепак неколку индонезиски весници потврдија дека 103-годишниот Пуанг Кате се оженил со 30-годишната Алу Аланг во округот Сива.
Младоженецот, кој наводно е вдовец, се борел во холандската колонијална војна (1945 – 1949), пренесува Одити Централ.
„Не знам точно колку години, но дефинитивно има повеќе од 100 години, тој е холандски колонијален борец. Неговата сопруга има околу 30 години.
Трибун Њуз подоцна ги откри вистинските возрасти на младенците, а 73-годишната разлика зачуди многумина во оваа азиска земја.
На Фејсбук и на Твитер се споделени видео записи на кои се гледа постариот младоженец како е придружуван од момче додека минува низ премин во пресрет на својата млада жена, со што уште еднаш се доведоа во прашање договорените бракови во оваа земја.
Интересно е тоа што, според официјалните извештаи на локалните медиуми, сумата на пари која Кате ја платил на семејството на својата невеста воопшто не била висока. Наводно платил само 5 милиони рупии (околу 312 евра), а дал и златен прстен.
Тие двајца моментално живеат во куќата на младоженецот во Јужен Сулавеси.
