Полицијата во Нови Сад го уапси Стефан Станојевиќ (25) под сомниение дека на 31 декември го убил Ѓорѓе Јовановиќ (23) со удар со секира во неговата глава, пишува српски „Курир“.

Телото на 23-годишниот маж е пронајдено завчера, во една населба во Нови Сад, каде некои од граѓаните почувствувале неподнослива смрдена. Истиот ден, кога телото е откриено, новосадската криминалистичка полиција го расветли ова дело и го уапси Стефан, заедно со Јована Ј. (29) од Нови Сад, која присуствувала на убиството, а не го пријавила кривичното дело, па се товари по неколку основи. Инаку, како што дознава српскиот медиум, мотивот за убиството била токму Јована, околку која се скарале Ѓорѓе и Стефан.

Според неофицијални податоци на српски „Курир“, Стефан е осомничен дека го удрил Ѓорѓе со секира трипати по глава. Потоа сакал да го запали со бензин, а пред тоа го фрлил во дупка со ѓубре и го потрупал со цигли. Се откажал од палењето, бидејќи сметал дека циглите ќе бидат доволни за да се сокрие неговото брутално дело.

Тешкото убиство го надгледувала и го прикривала девојката Јована од Нови Сад.

Судија на претходна постапка им одредил притвор до 30 дена.