СРАМОТА: Во солзи го напушти теренот, расистички навредуван и доби црвен картон! (ВИДЕО)
Во Украина повторно владее расизам на фудбалските натпревари, а сега на удар од „навивачите“ на трибините се најде и Бразилецот Тајсон кој ги брани боите на Шахтјор Доњецк.
Капитенот на овој клуб беше расистички навредуван на дербито против екипата на Динамо, а меѓу нив беше и неговиот сонародник Дентињо на теренот. Во составот на Шахтјор има вкупно 10 Бразилци.
Тој потоа им покажа среден прст на луѓето од кои беше навредуван и шутирајќи со топка кон нив во обидат да престанат со таквите извици.
Според правилникот фудбалер секако не смее непримерно да се однесува кон гледачите на трибините, и поради неговиот потег доби црвен картон од главниот судија.
Од друга страна, главниот проблем останува, а тоа е како да се отстрани расизмот од Украина и воопшто од фудбалот, спортот, секојдневниот живот.
Фудбалерот со солзи го напушти теренот, а после мечот се огласи неговиот тренер:
– Сакам да ги поддржам сите кои страдаат од расизмот, со тие луѓе кои се соочија денеска, бидејќи расизмот е неприфатлив. Беше и ќе биде голем срам за сите, и сите мораме да се бориме против тоа секој ден, секоја минута и секоја секунда – вели тренерот на Шахтјор, Луис Кастро.
Украинската фудбалска федерација ја потврди одлуката на црвениот картон и му следува суспензија од еден натпревар.
– Никогаш нема да замолчам во таков нечовечки и одвратен чин. Моите солзи беа од гнев, отфрлање, беспомошност, беспомошност што не можам да направам ништо во тој момент – се огласи Тајсон на својот Инстаграм профил.