Дефинитивно уште од самиот старт во новата сезона не разочараа најдобрите од минатата сезона во Премиер лигата и Чемпионшип, натпревар полн со седум голови на стадионот „Енфилд“.

Ливерпул во првото коло како домаќин со конечен резултат 4:3 успеа да го совлада Лидс, составот на Марсело Биелса иако поразен се покажа како многу храбар и достоен ривал на актуелниот шампион.

GET IN, REDS!! ?

— Liverpool FC (@LFC) September 12, 2020

Доста маки му направија на тимот на Клоп кој трипати водеше, но и гостинот од „Иланд Роуд“ трипати израмнуваше. Уште во четвртата минута Ливерпул поведе од пенал реализиран од Салах, па израмни Херисон во 12 минута после асистенцијата на Филипс.

Во 20 минута Ван Дајк после изведениот корнер на Робертсон ја враќа позитивата на Редси, а Холанѓанецот направи грешка во 30 минута која ја искористи Бамфорд за нов егал.

Во 33 минута Салах го постигна и вториот гол на мечот, а во 66 минута после една убава акција на Лидс израмни Клих.

Доста неизвесно беше до самиот крај на средбата, Салах го комплетираше хет-трикот во 88 минута, повторно беше прецизен од пенал за поставување на конечниот епилог.

Лидс кој се врати во елитата после 16 години дефинитивно со ваквото одлично издание ќе има што да каже оваа сезона. Македонскиот репрезентативец Езџан Алиоски беше на клупата за резерви, но не доби шанса.

Менаџерот на Лидс, Биелса беше свесен дека нашиот играч имаше обврски со националната А селекција, па очекуваме своето деби да го има веќе во наредното коло на 19 септември дома против Фулам.

Во меѓувреме се одигра уште еден меч од саботната програма, Кристал Палас со 1:0 беше подобар од Саутемптон со погодокот на Заха во 13 минута.

Одличен старт на Арсенал, Вилијан и Габриел за „самба“ во Лондон! (ВИДЕО)